ریموٹ کنٹرول بمب ارش

میران بگٹی/یلان مری/یارجان بارکزئی

   

بلوچ سرمچاراں  ڈیرہ بگٹی ءَ پاکستان ءِ یک فوجی گاڑی ئے گوں ریموٹ کنٹرول بمب ءَ نشانگ کتگ۔ گاڑی سواریں گیشتر فوجی مرتگ انت۔گاڑی سرجم ءَ تباہ بوتگ ءُ  زدگ ءُ ٹپیگیں فوجی گوں ہیلی کواپٹر ءَ پنوں عاقل فوجی چھاؤنی ءِ ھسپتال برتگ انت اِش۔ مروکانی تہا یک فوجی ئے مطلوم حسین ءِ نام ءَ پجاہ آرگ بوتگ۔ ءُ ٹپیگانی تہا عباس علی، پھول شاہ، فریدالدین غلام عباس ءُ امیرالدین گون انت گوں۔ بلوچ سرمچاراں اے ارش ڈیرہ بگٹی ءَ مرو ءِ دمگ ءَ کتگ۔

چد وساری سھ روچ پیسر بلوچ سرمچاراں نوشکی ءَ  ہم  یک فوجی گاڑي ئے گوں ریموٹ کنٹرول بمب ءَ تباہ کتگ ءُ چار فوجی کشتگ، کوئٹہ یک سرکاری صحافی ڈاکٹر چشتی مجاہد ھم تیرانی آماچ کتگ ءُ کشتگ۔ ڈاکٹر چشتی مجاہد بلوچستان ءَ گورنر ھاؤس ءِ فوٹو گرافر بوتگ ءُ اخبار جہان نامیں یک پاکستانی ھفت روچی رسالہ ءَ رپورٹنگ کتگی۔ ڈاکٹر چشتی مجاہد وتی رپورٹانی تہا مدام بلوچستان ءِ راہ دران ءَ ایر جتگ ءُ پنجابی فوج ءُ آباد کاران ءَ قبضہ گیری ئے سکین داتگ۔

  ءُ  پیر کو ہ ءُ سوئی  بیست انچ ءُ بیست ءُ چار انچ ءِ دو مزنیں گیس پائپ لائن ھم گوں بمب ءَ تباہ کتگ انت۔  ءُ گیس ءِ سپلائی کراچی ءُ پنجاب بند بوتگ۔ دوشی کوھلو ءَ ھم سرمچاراں فوجی کیمپ گوں روکٹاں نشنگ کتگ۔ اے ارش ءِ انگت ءَ سرجمیں ھال نیست۔

دومی نیمگ ءَ کوھلو ءَ ڈیرہ بگٹی ءَ پنجابی فوج ءِ آپریشن انگت ءَ ھم برجاہ انت۔ ءَ اے نوکیں آپریشن ءَ گوں انگت ءَ دو جنین آدم ءُ  سھ چوریگانی ھواری ءَ دورزنے ءَ گیش بلوچ شہید بوتگ۔ دومی نیمگ ءَ بلوچ لبریشن آرمی ءُ بلوچ ریپبلکن آرمی جارچین بیبگت بلوچ ءُ سرباز بلوچ ءَ ھم درزنے ءَ گیش پنجابی فوجی کشگ ءِ دعوی کتگ۔ ءُ گشتگ کہ بلوچ سرمچار وتی جہد ءَ ہمے رنگ ءَ دیم ءَ بر انت۔
www.gwank.org

بے شك تو بكش ظلم بكن آس بجن
من دارءٍ سرا حق گوشاں چپ نہ باں
 
Today, there have been دفــعـــا ت بـــازديـــد 97976 visitors (196833 hits) تعداد صفحات باز شده on this page!
This website was created for free with Own-Free-Website.com. Would you also like to have your own website?
Sign up for free