صفحه نخست
مروچی ریاست قلاتءِ سرا پاکستانی فوجءِ یورشءِ 60 سال؛ چمشانک ولید گربنی
مارچ 27 سال 1948 أت کہ قلات ریاستءِ سرا پاکستانی فوجءِ یورشءَ چہ 1638 دیم إنگو أنگتین قلات ریاستءِ خانی رواج لگتمال کت، خان قلات میر أحمد یار خان پہ زور بندیگ بیت و تفنگءِ زورا قلات ریاستءَ گون پاکستانءَ ھور کنگءِ دستنشان چہ خان قلاتءَ 31 مارچ 1948ءَ پچگرگ بیت انت۔
وھدے چاکر اعظم -میرچاکرشیھک رند 20 سالگیءَ 1468ءَ وتی ٹکءِ سروکی دست گپت، آئی یوکا پاگ نہ بست و دست کٹءَ نہ کت أنت، و نہ نشت۔ إشیءِ بدلا آئی گون شیواری و دلیری مان دمگءَ راج کت۔ إے 1565ءَ میر چاکرءِ بیرانیءَ چہ رند أت کہ بلوچ اُستمان بے سروک بیت۔ ھمے بے سروکیءِ مارگا چہ رند بلوچ ٹکـّان قلات ریاستءِ بن ھشت 1638ءَ إیرکت۔
پدا سمندرخانءِ پاگنبدیءَ رند 1695ءَ دیم پہ إنگو اودا خانی رواج بندات بیت۔ ھمے رواج چه پت په چک دیما کنزان بیت و 10 ستمبر 1933 آتک پہ میر أحمد یار خان سربیت۔ میر أحمد یار خانءِ مزنترین نزوری آئيءِ إسلام دوستی جوڑ بیت۔ ھمے إسلام دوستیءَ آئي چہ وتیگان دیر کنان کت و برت درامدانءِ گپچلءَ دور دات۔
آ مزنین کلات ریاست کہ چہ ڈیرہ خازی خانءَ بگر تا بہ رؤت اودا ھرمزءِ تنکءَ سر بہ بیت، نز آیان بیت و پہ یک ٹکرےءَ رست۔ 1871ءَ فارس-گولڈ سمت پندلان پیسرا مغربی بلوچ و ڈیورند لائنءَ شمالی بلوچ چہ اودا سستگ تنت؛ نین سبی، کوئٹہ، بیلہ و مکرانءِ سرداران ھم چہ خانءَ وتا سست۔ چیا کہ پہ خانءَ محمد علی جناح ضروری تر بیت۔ إے ھند و دمگانءِ بلوچ سردار و بلوچ اُلس شد لاپ تنت قلات ریاستءِ بیت المالءِ مالان إسلامءِ ناما محمد علی جناحءِ لاپءَ سیر کنگا تنت۔ ھمے جناحءِ أڈ کتگین ملکءِ واکداران خانءِ خانیءَ گون ھور سرجمین مشرقی بلوچستان آوارجت و بادے مروچی قلات ریاست و بلوچڈیہءِ دگہ بازین دمگان نشتگین بلوچ اُلسءِ جانءِ وبال أنت۔ بلوچ جن أنت سر گوشان پریات کنت:
بے سرین رھشونءِ بے سرین سودا
جھندم چہ بادگـــیرءَ کــــــــاپر شت؛ پھلی چہ سید ظھور شاہءِ روحءَ
|
بے شك تو بكش ظلم بكن آس بجن
من دارءٍ سرا حق گوشاں چپ نہ باں |
