صفحه نخست

غلامی پہ شما جوریں شگانے

 

 

لگتمال انت وطن جوریں بدانی

زبان گُنگ انت حبر زانتیں سرانی

همک دمکءَ تواراِنت گِریوگانی

نہ بیت کچءُ کساس دردءُ غمانی

 

کئے انتءُ اے کئی ماتءُ گوهاراَنت

ماں دیما دژمنانی موتک کاراَنت

گشے حون اِش گوں ارسان هواراَنت

چہ گژنءُ واریءَ مرگءَ تواراَنت

 

کُجا اَنت رند مرچی بے توار اَنت

پہ جنگءَ ماں جہانءَ نامداراَنت

سراِش جہل اِنت ماں کلّءَ بے تواراَنت

نزاناں پرچیــــا چو بے تــواراَنت

 

کجا اِنت نامداریں چاکرءِ ٹک

کجا اِنت بورسواریں چاکرءِ ٹک

کُج اَنت زحمءُ سگاریں چاکرءِ ٹک

کُج اَنت کوهءُ تـلـاریں چاکرءِ ٹک

 

ماں دســتاں سانکلءُ زمزیل ماں پاداں

کجام شرمءَ گُـــشیں کہ ما بلوچــــیں

گوں غیـراں شدتءُ جنگءَ چہ ترسیں

وتی براتءَ گُــشــیں کہ ما بلوچـــیں

 

نوں بیـلـاں هوش کن اِت بے ساریءَ چہ

برکــیـــــــــن اِت وتــا نـوں گــاریءَ چہ

بـــہــــــارگــاهے بــیـــاراِت واریءَ چہ

نہ کنت سوب هچ کسے چمـــداریءَ چہ

 

بزوراِت تــوپـــکءُ زحـمءُ سگــــــاراں

کــن اِت ایــرمــوش شـــومیں نابکـاراں

بسوچ اِت پلــاں مان داراِت بــہــــــاراں

شمے هنکـــــــینءُ جاه کوهءُ تــــلـاراں

شمے باهنداں ترکــّیـــت آزمانے

غـلــامـی پہ شـما جوریں شگانے

پہ لـج ّءِ حـاطرا بیــااِت یلـاں نوں

کنــــیں مرگءَ مڑاءُ جیءُ جانے

 

 

پـــیــــــــربـــخـــــش پـــیــــــــرل

 

 

 

 

 

 

 

 

 

 

 

 

 

 

 

بے شك تو بكش ظلم بكن آس بجن
من دارءٍ سرا حق گوشاں چپ نہ باں
 
Today, there have been دفــعـــا ت بـــازديـــد 69366 visitors (152360 hits) تعداد صفحات باز شده on this page!
=> Do you also want a homepage for free? Then click here! <=