بلوچستان: الیکشن 16بمب ارش ءَ یک روچے پیسر

یلان مری

   

بلوچستان ءَ  گوستگیں بیست ءُ  چار کلاکاں درزنے ءَ گیش بمب ارش بوتگ انت۔ پنچ فوجی مرتگ،  ھشت ٹپیگ، ریل پٹڑی ءُ گاڑے ءِ تباہ بوتگ۔

اے گوستگیں بیست ءُ چار کلاکانی اولی بمب  ارش ڈیرہ بگٹی ءَ  بوتگ۔ سہب ءِ بیل ءَ بوتگیں اے ارشءَ چھ ھچ تاوان ءِ ھال نہ رستگ گندگ ءَ اے پہ الیکشناں بہر زوروکیں مردماں پاد تراپ ئے بوتگ۔

دومی ارش سوئی ءَ بوتگ وہد سوئی ءَ چھ کساس بیست ءُ پنچ کلو میٹر دور پاکستانی فوج ءِ یک گاڑی ئے گوں ریموٹ کنٹرول بمب ءَ نشانگ کنگ بوتگ۔ اے ارش ھم سہب ءِ بیل ءَ بوتگ ءُ اے ارش ءَ چھ پنچ فوجی مرتگ ءُ شش ٹپیگ بوتگ ءُ فوجی گاڑی ھم سرجم ءَ تباہ بوتگ۔

سہمی ، چارمی ءُ پنچمی ارش حب ءِ شہر ءَ بوتگ انت۔ اے ارشاں چھ ھم ھچ وڑیں تاوان ئے ھال نیست۔

ششمی ، ھفتمی ءُ ھشتمی بمب ارش کوئٹہ ءَ  اے پی ڈی ایم ءِ جلوس ءِ سرا پاکستانی پولیس ءِ  لٹ ءُ کٹ ءَ رند بوتگ انت۔ اے ارش ءَ چھ دو مردم ٹپیگ بوتگ۔

 نھمی بمب ارش آواران ءَ گیشکور ءَ بوتگ۔ اے ارش گوں یک پولینگ اسٹیشن ئے ءَ تاوان بوتگ۔

دھمی ءُ یازدھمی ارش قلات ءَ بوتگ انت۔ اے ارش ھم دو پولنگ اسٹیشنانی سرا بوتگ انت ءُ  ھر دویں پولینگ اسٹیشناں تاوان بوتگ۔

دوازدھمی ارش خضدار ءَ بوتگ ءُ  گوں راکٹ ءَ بوتگیں اے ارش ءَ چھ ھم تاوان ءِ ھال نیست۔

سیزدہمی  بمب ارش دال بندین ءَ بوتگ ءُ اے ارش چھ مسلم لیگ امید وار ئے گس ءَ تاوان رستگ۔

چاردھمی بمب ارش کوئٹہ ریل وے لائن ءِ سرا بوتگ ءُ ریل وے لائن تباہ بوتگ ءُ ریلانی رو ءُ آ بند بوتگ۔

اشاں  چھ ابید پنجگور ءُ  تربت ءَ چھ ھم بمب ارشانی ھال انت بلے اے ھال انگت ءَ پک ءَ نہ ینت۔
www.gwank.org

بے شك تو بكش ظلم بكن آس بجن
من دارءٍ سرا حق گوشاں چپ نہ باں
 
Today, there have been دفــعـــا ت بـــازديـــد 71257 visitors (156269 hits) تعداد صفحات باز شده on this page!
=> Do you also want a homepage for free? Then click here! <=